(интегрален текст од писмената реакција на ОО СДСМ Кавадарци по обвинувањата на денешната прес конференција од ОК ВМРО-ДПМНЕ)
Благодарение на Владата предводена од СДСМ, Зоран Заев како и градоначалниците и пратениците од Тиквешијата, во изминативе три години постојано наоѓаме решенија со цел ниту еден килограм грозје да не остане да скапува на лозјата, како што тоа беше случај во 2015 и 2016 година во време на владеењето на ВМРО-ДПМНЕ.
Ние за разлика од ВМРО-ДПМНЕ соработуваме со сите здруженија на граѓани.
Не креираме партиски здруженија, на кои на челните позиции ќе стојат партиски активисти како што тоа го правеше ВМРО-ДПМНЕ. Класичен пример за тоа е Љупчо Аризанов “лидерот” на лозарите, кој нема пропуштено ниту еден партиски собир на ВМРО-ДПМНЕ.
Изборните манипулации и ставањето на државните институции во функција на изборите и партијата е пракса на ВМРО-ДПМНЕ.
За разлика од ВМРО-ДПМНЕ лозарите, па и сите граѓани, не ги гледаме единствено низ призмата на гласачи.
Баш напротив, се грижиме за нивните потреби и креираме на соодветни политики и мерки со цел подобрување на животот на сите граѓани.
Тоа го правевме до сега и ќе продолжиме истото и понатаму да правиме, уште повеќе и уште подобро.