Лозарите  од  населените  места  на  општината  Демир  Капија  бербата  на  винското  грозје ја  започнаа во  втората  половина  на  месец  август,околу  десетина  дена  порано  од  минатата  година.Порано гроздоберската  треска  започнала  како  резултат  на  тропските  горештини.Токму  и  затоа  бербата  на  винските  сорти  е  веќе  завршена, а  деновиве  се  очекува  да  заврши  и  на  трпезното  грозје  од  сортата  молдавија.Годинава  лозарите  се  задоволни  од  родот и  од  квалитетот  како  и  од  организираниот  откуп  на  винарските  визби  од  нашава  земја.Од  винарските  визби  добивме  информации  дека  од  лозарите  од  општината  Демир  Капија  се  откупени  над  четири  милиони  килограми  од  повеќе  вински  сорти.

Најголеми  количества  за  винарските  визби  од  Штип и  од  Гевгелија  откупија  претпријатијата   Агро  Капија  од  Демир  Капија  и   Пилана  Петар  од  Корешница. Исплатата  на  висококвалитетните  сорти  на  винско  грозје  е  завршена, а  за  останатите  вински сеуште не се знае  кога  ќе  ги  добијат  парите  за  продаденото  грозје. Лозарите  од  оваа  општина  од  година  во  година  подигаат  лозови  насади  и  со  трпезни  сорти, бидејќи  засега  нема  проблем  со  откупот, а  и  откупните  цени  задоволуваат.

Трпезното  грозје се  одгледува  на  површина  од  околу  60  хектари, а  се  застапени  сортите Викторија, Мускат, Молдавија  и  Афусали. Од  сите  овие  трпезни  сорти  годинава  лозарите  имаат  произведено околу  еден  милион  килограми, а  го  откупува  претпријатието  Агро  Кор  од  Валандово. Сортата  Молдавија во  зависност  од  квалитетот  се  откупува  по  цена  од  18  до  23  денари  за  килограм, велат  лозарите  од  Демир  Капија.

Петре  ПАШОЕВ

Додади коментар

▼