Домашна платежна картичка „Купувам домашно“, претставува дирекна парична поддршка за граѓаните и за поттикнување на домашната потрошувачка - рече меѓу другото на денешната прес конференција кандидатот за пратеник на СДСМ од Кавадарци, Даниела Колева.
(интегрален текст) Домашната платежна картичка „Купувам домашно“ ќе ја добијат 324.479 граѓани, без аплицирање и без дополнителни трошоци.
Тоа се 28 милиони евра пари за граѓаните, наменети за купување домашни производи и услуги за рестартирањена македонската економија.
Со домашната платежна картичка ќе се помогне на многу наши сограѓани да ја пребродат оваа здравствено - економска криза, предизвикана од коронавирусот.
На страницата www.kupuvamdomasno.gov.mk граѓаните ќе може со внесување на својот ЕМБГ да проверат дали се корисници на домашната платежна картичка, да ја проверат паричната вредност на картичката која им следува, како и да добијат информација за банката која ќе им ја издаде картичката .
Корисниците ќе ја добијат картичката на домашна адреса или истата ќе може да се подигне од банка.
Eдноставно и без аплицирање граѓаните ќе ја добијат платежната картичка на домашна адреса или истата ќе може да се подигне од банка.
Издавање на домашните платежни картички започнува од 18 јули 2020 година, а граѓаните ќе можат да ги користат средствата до 15 август 2020.
Средствата од домашната платежна картичка не може да се подигнат во готовина, да се плаќа надвор од земјата, да се префрлаат средства кон други сметки, туку можат да се потрошат само за купување на македонски производи и услуги.
На овој начин за краток временски период ќе се вбризга висок износ на средства во трговијата на мало и услужната дејност.
Ова се мерки за нова, развојна македонска економија, преку кои ќе ја зголемиме потрошувачката и ќе стимулираме заштита, промоција и раст на домашната економска понуда.
Почитувани граѓани, заедно ќе ја пребродиме кризата и ќе излеземе од истата уште похрабри, уште посилни.
Додади коментар