Тајзи запеа и на шпански- Нова летна химна за љубовта
24-07-2015 ЗАБАВА
Жешка атмосфера, згодни црномурести девојки, кубански бенд и латино мелос. Ова е дел од новиот видео запис на Тајзи- „Амор“. За првпат, нашиот пејач реши да запее на шпански, а од неговиот тим велат дека ова е една од најдобрите негови песни досега која претендира да стане голем летен хит. 
Спотот ќе излезе на почетокот на август, а се снимаше на повеќе локации во Скопје и Куманово. Специјални гости во спотот се кубанскиот бенд- Cubano Soy, Рене Врајт од Јамајка и манекенката Ана Станојковска. 
Режијата и сценариото се на Владимир Дади Ивановски, музиката и текстот на Драган Величковски Тајзи, додека пак аранжманот е на проверениот хит мејкер- Лазар Цветковски. 

За првпат песната ќе имате можност да ја чуете на концертот на Тајзи на 27 јули во „Кадмо“ во Охрид каде што ќе настапи заедно со својот бенд.

Додади коментар