СДСМ: Со третиот пакет економски мерки ќе се овозможи заживување на економијата преку директна поддршка на граѓаните
03-06-2020 РЕГИОН

Третиот пакет економски мерки ќе овозможи заживување на македонската економија преку директна финансиска поддршка на граѓаните - беше речено меѓу другото на денешната прес конференција на ОО СДСМ Кавадарци. 

(интегрален текст) Ова се мерки за нова, развојна македонска економија, во вредност од 355 милиони евра наменет за 730,000 корисници, кои ќе ја трансформираат нашата економија и ќе ја направат поконкурентна.

Првиот столб од третиот пакет на економски мерки усвоен од Владата предводена од СДСМ ги опфаќа сите невработени лица, социјално ранливите категории, младите, домаќинствата со ниски примања и медицинските лица.

Со овие мерки се зајакнува домашната потрошувачка со фокус на домашни производи и услуги, се зголемуваат безготовинските плаќања а со тоа се намалува и сивата економија,но пред сѐ, се зголемува куповната моќ на граѓаните и со тоа се олеснува животот во услови на криза.

Домашната платежна картичка за граѓаните – по 150 евра за македонски производи и услуги, ќе ја добијат над 100,000 граѓани односно сите невработени лица, активни баратели на работа кои немаат над 15,000 месечни приходи според УЈП, како и примателите на гарантирана минимална помош. Со оваа картичка во период од 30 дена ќе можат да се купуваат домашни производи и услуги, а платежната картичка ќе можат да ја добијат и лицата кои имаат блокирани сметки бидејќи ќе им биде отворена посебна сметка за оваа намена.

Ваучерот за домашен туризам од 100 евра и домашна платежна картичка од 50 евра, е мерка со која се опфатени 100,000 граѓани, односно сите вработени граѓани што примаат нето плата помала од 15.000денари месечно и немаат други приходи, според податоците на УЈП.

Со ваучерот за домашен туризам граѓаните ќе можат да се одморат и да летуваат дома, а со тоа ќе го зајакнеме домашниот туризам.

Не ги заборавивме и младите- средношколците и студентите, за нив предвидуваме парична поддршка за млади од 100 евра и платежна домашна картичка од 50 евра

 

Оваа мерка опфаќа електронски ваучери од 100 евра за покривање на партиципација во Универзитет како и сместување во студентски, ученички домови и регистрирани сместувачки капацитети за студенти и средношколци.

Младите ќе добијат и платежна картичка, во вредност од 50 евра за домашни производи и услуги.

 

Вооедно ги поддржуваме младите да стекнат нови знаења кои ќе им овозможат брзо вработување во новата развојна економија со Ваучери за кофинансирање на обуки, тренинзи и курсеви за ИТ и дигитални вештини.

Оваа мерка ќе опфати од 7,000 до 10,000 млади до 29 години, кои ќе посетуваат академии во земјава за дигитални и ИТ вештини.

 

Почитувани граѓани, заедно ќе ја пребродиме кризата предизвикана од корона вирусот и ќе излеземе од оваа криза, уште похрабри, уште посилни.

 

 

 

 

 

Додади коментар