Нема повредени во пожарот кој утринава околу 10 часот избувнал во покривната конструкција на домот за стари лица д-р Јаневски во село Чемерско. Таму биле згрижени триесетина лица. Благодарение на брзата интервенција на територијалната против пожарна единица Кавадарци спречена е поголема трагедија.
Штитениците се транспортирани во кавадаречката болница со медицински возила и според изјавата на директорката на болницата, д-р Гордана Ѓорчева Камчева сите се во стабилна состојба во моментот на приемот.
Во болницата беше присутен и градоначалникот Митко Јанчев кој беше вклучен во координација на акцијата за транспорт на штитениците.
Од домот за стари лица упатија голема благодарност до градоначалникот Митко Јанчев, против пожарната служба и директорката на општа болница Кавадарци за брзата реакција.
А.Д

Додади коментар