(ФОТО) Комунална изградба во Кавадарци на повеќе локации
10-03-2018 РЕГИОН
 
 
Во текот на вчерашниот ден се изведуваа активности од програмата за комунална изградба на повеќе локации. Од општината денеска информираа дека  некои од нив беа во завршна фаза а некои беа отпочнати.
 
 
 
 
 На ул.“Рајко Жинзифов“ завршен е тротоарот и се поставени метални столбчиња. Станува збор за делница со површина од 340мна потегот од спојот со ул.“Шишка“ до спојот со ул.“25 Мај“. На овој дел во должина од 150 метри оперативата на фирмата “Инвест Груп“ постави бекатон коцки а тротоарот за побезбедно движење на пешаците беше ограден и со метални столбчиња. Вкупната инвестиција на овој проект изнесува 425 000 денари.  
 
 
 
 
 Оперативата на фирмата “Урбан Инвест“ од Кавадарци работи на изготвување подлога на дел од тротоарот на ул.“Ѓоре Брушански“ каде согласно програмата за комунална изградба на Општина Кавадарци треба да се постават бекатон плочки. Станува збор за зафат на површина од 370м2 со вредност од 450 000 денари.
 
 
 
 
Подготовка на подлога на крак од ул.“Дисанска“. Се работи за должина од нешто повеќе од 100 метри, ќе се поставуваат бекатон коцки.
 
 

 
Фирмата “Урбан Инвест“ подолг период ќе работи на санација и реконструкција на целиот тротоар од Силекс зградите па се до новиот центар во градот. Паралелно со тоа ќе се поставуваат и метални столбчиња. Моментално се работи на тротоар на ул.“Страшо Пинџур“.
 
 
 
 

Додади коментар