Се реконструира покривот на спомен домот во Ваташа
22-05-2019 РЕГИОН

Општината Кавадарци преку ангажираната фирма „МЗТ-Битола“ го реализира проектот за реконструкција на покривот на објектот на Спомен домот „12 Другари“ во Ваташа.


Се менува старата и дотраена ќерамида, на нејзино место се поставува лим. Реконструкцијата опфаќа санирање на сачокот, како и замена на старите олуци со нови.


Со овој зафат општината ја заокружува реконструкцијата на Спомен домот во Ваташа, која започна минатата година кога во пресрет на јубилејот 75 години од стрелањето на 12 младинци, беа реконструирани просториите и салата во домот каде се одржа и свечената академија.


Оваа рекоснтрукција на домот во Ваташа е прва после 35 години, кога објектот целосно беше реконструиран за потребите на снимањето на емисијата „Знање имање“ на тогашната Југослевенска радио телкевизија која ја гледаше милионски аудиториум.

Додади коментар