СДСМ: Со превземените мерки и реформи во социјалната заштита 120.000 граѓани имаат директен бенефит
18-01-2020 РЕГИОН

На прес конференција секретарот на форумот на жени при ОО на СДСМ Кавадарци, Веса Богева,  се осврна на реализираните меки и реформи за подобра социјална заштита на околу 120 илјади граѓани.

 

 

(интегрален текст)  Во изминативе две и пол години во делот на социјалната заштита спроведивме значителни мерки, значителни реформи, од кои денес директен бенефит имаат околу 120.000 граѓани.

Креиравме социјална реформа која целосно го менува начинот на кој се грижиме за ранливите групи граѓани. 

Поставивме цели за извлекување од сиромаштија на најранливите групи во нашето општество, за обезбедување повеќе пари во секое семејство.

Ја зголемивме социјалната помош за 300 проценти.

Денес, околу 27.000 семејства добиваат гарантиран минимален приход во висина од 11.700 денари на месечно ниво, додека претходно во време на владеење на ВМРО ДПМНЕ висината на социјалната помош изнесуваше само 3.000 денари.

Не ги заборавивме и лицата кои не исполнуваат условите за остваруање на пензија.

Со изгласување на Законот за социјална сигурност на постари лица, обезбедивме државна социјална пензија во износ од 6.000 денари на 2.631 лице.

Сите лица кои ќе имаат право на користење на мерката државна социјална пензија, ќе имаат и право на надомест за греење, во износ од дополнителни 1.000 денари.

Со спроведувањето на овие реформи, покажуваме дека сме на правиот пат кон остварување на значителни реформи во делот на социјалната заштита, наспроти десетгодишната катастрофа оставена од страна на ВМРО ДПМНЕ.

Градиме општество кое нуди фер и еднаква шанса за сите. Низ вистински и развојни мерки обезбедуваме повеќе пари за секое семејство и достоинствени услови за живот.

Сите граѓани се важни и затоа грижата за сите граѓани е подеднаква.

 

 

Додади коментар