Извршители влегле во „Фени индустри“ - вработените стравуваат за своите работни места
20-09-2017 РЕГИОН

 

20.09.2017 (КТВ)

Деновиве низ кавадаречката чаршија главна тема е евентуалното затворање на комбинатот за производство на феро никел „Фени индустри“ во Кавадарци. 

Со опасност да останат без работа се соочуваат над 830 лица директно вработени во комбинатот. Се прошири веста дека извршители направиле попишување на имот на компанијата и се забранува отуѓување или било какво располагање со попишаните предмети.

 

Од синоќа,  според информации од вработени во „Фени“ печката не е повеќе во функција на производство, туку само е на техничко одржување. Наводно, долговите на комапнијата за струја и за транспорт биле огромни.

 

Уште во текот на вчерашниот ден побаравме официјална информација од „Фени индустри“. Ни беше речено дека одговорните се на состанок и дека во текот на денот ќе  добиеме информација, тоа не се случи.

 

Во меѓувреме во отстуство на официјална информација од компанијата неизвесноста за вработените е се поголема.

 

A.Д



Додади коментар