Извезени првите количини на винско грозје за Албанија
15-08-2013 РЕГИОН

Денес се извезени првите количини на винско грозје од Кавадарци како центар на најлозарскиот дел на Македонија, информира лидерот на лозарите Љупчо Аризанов.

-Според податоците со кои располагаме од царинската испостава во Кавадарци денес тргнаа над 20 тони винско грозје од сортата шардоне. Заминуваат за Албанија. Извозната цена за еден килограм е околу 16 денари. Интересот за извоз на македонско винско грозје е голем а лозарите кои го продаваат грозјето на прекупувачи за извоз, парите ги добиваат веднаш . Покрај неколкуте нови винарски визби кои годинава за прв пат ќе откупуваат грозје, се очекува и интересот за извоз на грозје да ја зголеми конкуренцијата-вели Аризанов.
Според него, големиот интерес за извоз на македонско грозје е поради фактот што во некои од винските земји мразот зеде данок од лозовите плантажи, а во други дел од грозјето предвреме изедоа сушата и врнежите од град.
С.Д.



Додади коментар