Државата има правен основ да го плати долгот на визбите кон лозарите
30-01-2019 РЕГИОН

 

Државата има основ да го плати долгот што го имаат визбите кон лозарите тврди пратеникот од Кавадарци  Панчо Минов . Тој денеска на прес конференција информира дека направил проверки и сега зависи од волјата на владата дали ќе се покрие овој долг со буџетски средства.

 

„Правниот основ е во законот за земјоделство и рурален развој.  Во пратеничкото прашање посочив дека ваква пракса на спроведување на овој правен основ од законот веќе еднаш е реализирана за друга категорија на земјоделци. Испитав и во агенцијата за финансирање на земјоделците,  да во масата на средства која што е превидена во 2019 вкупно за земјоделството е предвидено и дел на средства за разрешување на овој најголем проблем на лозарите од тиквешијата“ рече Минов.

 

Тој нагласува дека е оптимист и дека владата ќе има волја позитивно да се реши повеќе годишниот проблем кој ги мачи лозарите.

 

Минов информира дека во неговото писмено прашање се осврнал и на исплатата на редовните субвенции за лозарите, но и за ветениот еден денар по килограм предадено грозје во винарските визби.

 

„ Очекувам и ги охрабрувам лозарите дека овие поставени прашања и ова мое застапување кое ќе продолжи се до решавање на проблемот, а јас сум оптимист дека одлуката ќе биде соопштена за денот на лозарите  и за исплата на редовните субвенции пред  празникот Свети Трифун,  заедно со едниот денар“ нагласува Минов./А.Д

Додади коментар